काठमाडौं असोज ११,
दशैं नजिकएसँगै सरकारले खसीबोकाको स्वास्थ्य परीक्षण आजबाट शुरु गर्ने भएको छ । पशुसेवा विभागले उपत्यकाका १० ठाउँमा खसीबोकाको स्वास्थ्य परीक्षण गर्ने तयारी भएको र यसको लागि ५० जना पशु चिकित्सकको टोली परिचालन हुने जनाएको छ।
त्यस्तै परिचालित पशु चिकित्सकको टोलीले कलंकी, टुकुचा, चन्द्रागिरी, चाल्नाखेल, बालाजु, टोखा, बल्खु, लोकन्थली, सल्लाघारीलगायत क्षेत्रमा स्वास्थ्य परीक्षण गर्ने जनाएको छ ।
साथै खसीबोकाको स्वास्थ्य परीक्षण भएको स्वस्थकर खसीबोकाको सिङमा हरियो र अस्वस्थकरको सिङमा रातो रङको स्टिकर लगाइने आम सर्वसाधारणमा जानकारी दिदै सिङमा हरियो रङ भएको स्वस्थकर खसीबोका खरिद गर्न आव्हान समेत गरेको छ ।
