काठमाडौं जेठ १८,
प्रतिनिधिसभाको आजको बैठकमा गत जेठ १५ गते संघीय संसदको संयुक्त बैठकमा पेश भएको आर्थिक वर्ष २०७९ ८० को राजस्व र व्ययको वार्षिक अनुमानमाथिको छलफल जारी रहेको छ । आजको बैठकमा प्रतिनिधिसभाका ४५ सदस्यले छलफलमा भाग लिनुभएको छ । त्यस्तै सभामुख अग्निप्रसाद सापकोटाले आज बसेको बैठकले संसद्को संयुक्त बैठक र संयुक्त समिति सञ्चालन नियमावली २०७५ को नियम २५ को उपनियम २ बमोजिम गठित संसदीय सुनुवाई समितिका सभापतिबाहेक प्रतिनिधिसभातर्फका सदस्य हेरफेर गरिएको जानकारी दिनुभएको छ । 
त्यस्तै बैठकमा सभामुख अग्निप्रसाद सापकोटाले आर्थिक वर्ष २०७९र८० को राजस्व र व्ययको वार्षिक अनुमानमाथिको छलफल जारी रहेका कारण प्रतिनिधिसभाको अर्को बैठक बिहीबार बिहान ११ बजे बस्ने सदनलाइ जानकारी गराउनुभएको छ ।
त्यस्तै संघीय संसदका महासचिव डा। भरतराज गौतमले बिहीबारको सम्भावित कार्यसूची सार्वजनिक गर्नुहुँदै आगामी आर्थिक वर्षको राजश्व र व्ययको वार्षिक अनुमानमाथि सामान्य छलफल जारी रहने उल्लेख गर्नुभएको छ ।
