काठमाडौ चैत १५,
सोमवबार बसेको मन्त्रिपरिषदको बैठकको निर्णय सार्वजनिक गर्दै सरकारका प्रवक्ता एवं सञ्चार तथा सूचना प्रविधिकमन्त्री ज्ञानेन्द्रबहादुर कार्कीले विभिन्न् मन्त्रालयको प्रस्तावमा १४ बुँदे निर्णय भएको जानकारी दिनुभयो ।
प्रवक्ता कार्कीले अर्थ मन्त्रालयको प्रस्तावमा चीन सरकारबाट प्राप्त सीमा वारपार रेल मार्ग संभाव्यता अध्ययनसम्बन्धी प्रविधिक सहायता स्वीकार गर्ने निर्णयसंगै चीन सरकारसँग भएको नेपालमा तेल र ग्यास स्रोत सर्वेक्षणसम्बन्धी कार्यान्वयन सम्झौताको दुई वर्ष समयावधि थप गर्ने निर्णय गरेको छ ।
त्यस्तै बैठकले कृषि तथा पशुपन्छी मन्त्रालयको प्रस्तावमा बैठकले दुग्ध विकास संस्थानको महाप्रबन्धक पदमा संजिव झा र नेपाल राजश्व परामर्श समितिको सदस्यमा लेखनाथ शर्मा पँगेनीलाई नियुक्त गर्ने निर्णय गरेको छ भने दूरसञ्चार प्राधिकरणको सदस्य नियुक्तिका लागि सिफारिस गर्न सञ्चार तथा सूचना प्रविधि मन्त्रालयका सचिवको संयोजकत्वमा सिफारिस समिति गठनसंगै तिलौराकोट कपिलवस्तु क्षेत्रलाई संरक्षित स्मारक क्षेत्र घोषणा गर्ने निर्णय गरेको छ ।
दोहा फोरमको २०औं संस्करणको सम्मेलनमा भाग लिन योजना आयोगका उपाध्यक्ष विश्वनाथ पौडेल नेतृत्वको प्रतिनिधि मण्डललाइ भ्रमण स्वीकृति दिने निर्णय गरेको उहाँले जानकारी दिनुभयो । साथै उहाँले चैत १८ देखि २७ गतेसम्म अख्तियार दुरुपयोग अनुसन्धान आयोगका सचिव तोयम रायाको भारत भ्रमण स्वीकृती संग गरेका थप निर्णयहरु निमनानुसारका रहेको बताउनुभयो ।
