काठमाडौ साउन १५,
काठमाडौं महानगरपालिकाले ४० माइक्रोनभन्दा पातला प्लास्टिकका झोला प्रयोगमा रोक लगाउने अभियान सुरु गरेको छ ।
४० माइक्रोनभन्दा पातला झोला र प्लास्टिकबाट बनेका सामग्री बेच्न र भण्डारण गर्न महानगरले यसै आर्थिक वर्षदेखि रोक लगाउने विषयमा गरेको निर्णय अनुसार बजारमा भेटिएका पातला प्लास्टिकका झोला प्रयोगमा नियन्त्रण गर्न वातावरण व्यवस्था विभाग र नगर प्रहरी बलको संयुक्त अनुगमन टोली परिचालन गरेको हो।
माइक्रोमिटर सहित महानगरले गरेको अनुगमनका क्रममा अधिकांश व्यापारीले १२ माइक्रोनदेखि ३३ माइक्रोन मोटाइका प्लास्टिकका झोला प्रयोग गर्ने गरेको पाइएको महानगरले जनाएको छ ।
यद्यपी सुरुमा कारबाहीभन्दा सचेतना जगाइने र त्यसपछि कारवाही प्रक्रिया शुरु गरिने जनाएको छ।
