काठमाडौं साउन ११,
स्वास्थ्य तथा जनसङ्ख्या मन्त्रालयले पछिल्लो २४ घण्टामा उपत्यकाका २७६ सहित कुल ५६४ जनामा कोभिड सङ्क्रमण पुष्टि भएको जनाएको छ ।
मन्त्रालयले चार हजार ४५४ जनामा कोभिड परिक्षण गर्नेक्रममा पीसीआर तर्फ ४१८ र १ हजार ६७६ जनाको एन्टीजेन परीक्षण गर्दा १४६ जना गरि उल्लेखित सख्यामा सङ्क्रमितको पहिचान भएको जनाएको छ । ज्ञात रहोस, मन्त्रालयका अनुसार काठमाडौंमा २१८ ललितपुरमा ४१ र भक्तपुरमा १७ संक्रमित रहेको मन्त्रालयले जनाएको छ।
त्यस्तै पछिल्लो २४ घण्टामा २०२ जना सङ्क्रमणमुक्त भएका छन् भने यसवीचमा १ जनाको मृत्यु भएको छ । त्यस्ते सक्रिय सङ्क्रमितको सङ्ख्या ३ हजार ९२९ पुगेको मन्त्रालयले जनाएको छ ।
