काठमाडौँ माघ १३,
नेपाली कांग्रेसले आह्वान गरेको समुदायमा कांग्रेस अभियान अन्तर्गत महासमिति बैठकको पूर्वसन्ध्यामा महामन्त्री गगन थापाले शनिबारदेखि मेची–महाकाली संवाद यात्राको शुभारम्भ गर्नुभएको हो ।
मेची किनारमा वृक्षरोपण गरी सुरु भएको संवाद यात्राको क्रममा झापाका विभिन्न स्थानमा भेला भएका स्थानीय कार्यकर्तासँग भएको अन्तरक्रियामा स्थानीय कार्यकर्ताले पार्टीलाई सुदृढ र चलायमान बनाउन नेताहरुलाई सुझाव दिएका छन ।
माघ २६ गते कञ्चनपुरमा पुगेर समापन हुने संवाद यात्रा यात्रामा स्थानीय जनतासँग संवाद गर्ने, विद्यालय, स्वास्थ्य संस्था आदिमा पुगेर त्यसको अवस्था बुझ्ने नेता थापाले जनाएका छन् । समुदायमा कांग्रेस अभियान अन्तर्गत देशका सबै ६ हजार ७ सय ४३ वडामै नेताहरु पुगेर जनताका कुरा सुन्ने र त्यहाँबाट आएका विषयलाई पार्टीभित्र र सदनमा समेत उठाउने महामन्त्री थापाले जानकारी दिनुभएको छ।
समुदायमा कांग्रेस अभियान : मेची किनारमा वृक्षरोपणसंगै मेची–महाकाली संवाद यात्रा शुभारम्भ
