काठमाडौं माघ १,
नेपाल आयल निगमले पेट्रोल, डिजेल र मट्टितलेको मूल्य प्रतिलिटर एक/एक रूपैयाँ घटाएको छ । सोमबार इन्डियन आयल कर्पोरेसनबाट प्राप्त इन्धनको घट्दो मूल्य अनुसार निगमले मंगलबार बिहान १ बजेदेखि लागू हुने गरी मूल्य घटाएको हो ।
घट्दो मूल्य अनुसार काठमाडौं, पोखरा र दिपायलमा पेट्रोलको मूल्य प्रतिलिटर १६६ र डिजेल र मट्टितलेको मूल्य १५६ रूपैयाँ कायम भएको छ भने चारआली, विराटनगर, जनकपुर, अमलेखगञ्ज, भलवारी, नेपालगञ्ज, धनगढी र वीरगन्जमा पेट्रोलको मूल्य प्रतिलिटर १६३।५० र डिजेलको मूल्य १५३।५० रूपैयाँ कायम भएको निगमले जनाएको छ ।
त्यस्तै खाना पकाउँने ग्यासको मूल्य भने यथावत रहेको निगमले जनाएको छ ।
