काठमाडौं कार्तिक १२,
शनिबार मध्यराति नेपालको चारदिने भ्रमणका लागि काठमाडौं आइपुग्नु भएका संयुक्त राष्ट्रसंघका महासचिव एन्टोनियो गुटेरेसले प्रधानमन्त्री ‘प्रचण्ड’सँग भेटवार्ता गर्नुभएको छ । यसअघि मुख्यसचिव डा.वैकुण्ठ अर्याल र परराष्ट्र सचिव भरतराज पौड्यालले महासचिव गुटेरेसलाई सिंहदरबारस्थित प्रधानमन्त्री तथा मन्त्रिपरिषद्को कार्यालयमा स्वागत गर्नुभएको थियो ।
प्रधानमन्त्री प्रचण्डसँग भेट्नुअघि महासचिव एन्टोनियो गुटेरेसले आजै उपप्रधान तथा रक्षामन्त्री पूर्णबहादुर खड्का र परराष्ट्रमन्त्री एनपी साउदसँग पनि भेटवार्ता गर्नुभएको छ । त्यस्तै महासचिव गुटेरेसले आजै राष्ट्रपति रामचन्द्र पौडेल, कांग्रेसका सभापति शेरबहादुर देउवा र नेकपा ९एमाले० का अध्यक्ष केपी ओलीसँग भेट्ने कार्यक्रम रहेको छ । त्यस्तै, उहाँ आज ललितपुरस्थित पाटन दरबार क्षेत्र भ्रमणका लागि जानुहुने जनाइएको छ ।
यसैवीच आगामी ३० नोभेम्बरदेखि १२ डिसेम्बरसम्म दुबईमा हुने जलवायु परिवर्तनसम्बन्धी विश्व सम्मेलनको तयारीका लागि महासचिव गुटेरेसले नेपालको भ्रमणसंगै जलवायु परिवर्तनको चपेटामा परेको नेपालप्रति ऐक्यबद्धता जनाउनु भ्रमणको मुख्य उद्देश्य रहेको जनाएको छ ।
तस्बिर : प्रदीप राज वन्त