काठमाडौै असोज २२ ,
नेपाल राष्ट्र बैंकले वडा दसैँ, तिहारलगायत चाडपर्व लक्षित गरी असोज २९ गतेदेखि नयाँ नोट सटही सुविधा दिने भएको छ । आइतवार राष्ट्र बैंकले सूचना जारी गर्दै नयाँ नोट सटही सुविधाबारे जानकारी दिएको हो ।
राष्ट्र बैंकले हरेक वर्ष चाडबाडमा नयाँ नोट सटहीको सुविधा दिँदै आएको छ । काठमाडौँ उपत्यकाभित्रको हकमा राष्ट्र बैंकअन्तर्गतको मुद्रा व्यवस्थापन विभाग र विभिन्न वाणिज्य बैंकका शाखामार्फत नयाँ नोट सटही गर्न सकिने जनाएको छ।
त्यस्तै उपत्यका बाहिरको हकमा राष्ट्र बैंकको प्रदेशस्थित कार्यालय वा वाणिज्य बैंकका शाखा कार्यालयमा गई प्रतिव्यक्ति १८ हजार ५ सय रूपैयाँका दरले सटही सुविधा उपलब्ध हुने जारी सूचनमार्फत राष्ट्र बैंकले जनाएको छ ।
