काठमाडौं असोज ५,
सुनसरी प्रहरीले इटहरीबाट १५ लाखभन्दा बढीको नक्कली नेपाली नोटसहित दुई जनालाई पक्राउ गरेको छ ।
इलाका प्रहरी कार्यालय इटहरीको टोलीले संखुवासभा पाँचखपन नगरपालिका ५ का विवेक राई र मकालु गाउँपालिका ६ का अजय राईलाइ बिहीबार दिउँसो पक्राउ गर्दै आज पत्रकार सम्मेलन गरी सार्वजनिक गरेको हो ।
पत्रकार सम्मेलनमा प्रहरीले दिएको जानकारी अनुसार पक्राउ परेका अभियुक्तद्वयबाट एक हजार दरका १५ लाख ८७ हजार नक्कली नोट र तीन थान मोबाइल बरामद भएकोजानकारी दिएको छ ।
त्यस्तै पक्राउ परेकाको बयानका आधारमा प्रहरीले अर्का एक जनालाई आज काठमाडौंबाट पक्राउ गरेको जनाएको छ ।
१५ लाख नक्कली नेपाली नोटसहित राईद्वय पक्राउ
