काठमाडौं भाद्र १५,
कोशी प्रदेशका मुख्यमन्त्री उद्धव थापाको विश्वासको मत प्रकरणको आज पूर्ण इजलासमा सुनुवाइ हुँदै छ । मुख्यमन्त्री थापाले विश्वासको मत लिने क्रममा गत भाद्र ४ गते प्रदेशसभा बैठकको अध्यक्षता गरेका सदस्य इस्राइल मन्सुरीको समेत मत लिएपछि प्रदेश सभाका विपक्षी दल नेकपा एमालेले प्रक्रिया संविधान विपरीत भएको भन्दै रिट दायर गरेको हो ।
यसअघि प्रस्तुत प्रकरणमा गत भाद्र ६ गते प्रारम्भिक सुनुवाइ गर्दै सर्वोच्चले विश्वासको मत लिँदा प्रक्रिया मिलेको नदेखिएको भन्दै दीर्घकालीन प्रभाव पर्ने काम र निर्णय नगर्न अन्तरिम आदेश संगै लिखित जवाफ बुझाउन आदेश दिएको थियो ।
त्यस्तै अदालतमा लिखित जवाफ बुझाउँने क्रममा मुख्यमन्त्री थापाले सरकार संवैधानिक नै भएको दाबी गरेका छन् ।
