काठमाडौं साउन २६,
काठमाडौं जिल्ला अदालतका न्यायाधीश दण्डपाणि शर्माको इजलासले नक्कली शैक्षिक प्रमाणपत्रको अभियोगमा पक्राउ परेका कांग्रेसका सांसद सुनील शर्मालाई थुनामुक्त गर्न आदेश गरेको छ ।
सांसद शर्मालाई अनुसन्धानका लागि म्याद थपका लागि सीआईबीले अदालतमा पेश गर्दा अदालतले अनुसन्धानका लागि म्याद थप अस्वीकार गर्दै तारेखमा राखेर अनुसन्धान गर्न अनुमति दिएको हो । तर सोही प्करणमा पक्राउ परेका अन्यलाई भने थुनामै राखेर अनुसन्धान गर्न अदालतले अनुमति दिएको छ ।
भारतबाट प्रवीणता प्रमाणपत्र तहको शैक्षिक योग्यताको नक्कली प्रमाणपत्र बनाएको भेटिएपछि निजलाइ नक्कली शैक्षिक प्रमाणपत्र बनाएको कसुरमा शर्मालाई प्रहरीको केन्द्रीय अनुसन्धान ब्युरोले बिहीबार गोल्फुटारस्थित निवासबाटै पक्राउ गरेको थियो ।
अदालतले मोरङ ३ बाट प्रतिनिधिसभा सदस्यमा निर्वाचित सांसद शर्मा भागेर जाने अवस्था नदेखेको जनाउ सहित यस्तो आदेश भएपनि नक्कली शैक्षिक प्रमाणपत्रको अनुसन्धान गर्न भने रोकेको छैन ।
