काठमाडौं साउन २५,
नक्कली शैक्षिक प्रमाणपत्र बनाएको कसुरमा नेपाली कांग्रेसका सांसद सुनील शर्मालाइ गोल्फुटारस्थित आफ्नै निवासबाट सीआईबीले पक्राउ गरेका छन । मोरङ ३ बाट प्रतिनिधिसभा सदस्यमा निर्वाचित सांसद शर्माले भारतबाट प्रवीणता प्रमाणपत्र तहको शैक्षिक योग्यताको नक्कली प्रमाणपत्र बनाएको भेटिएपछि अनुसन्धानका लागि प्रहरीले पक्राउ गरेको हो ।
सीआईबीले संघीय संसद् सचिवालयलाई सासंद शर्माको शैक्षिक योग्यताको प्रमाणपत्र प्रकरणको अनुसन्धानका लागि पक्राउ गरिएको जानकारी संविधान को धारा १०३ को उपधारा ६ अनुसार जानकारी दिएका छन ।
विराटनगरस्थित नोबल मेडिकल कलेजका सञ्चालकसमेत रहेका सासंद शर्माले प्रमाणपत्र तहको शैक्षिक योग्यताको नक्कली प्रमाणपत्रका आधारमा एमबीबीएस अध्ययन गरेका थिए ।पक्राउ परेका सांसद शर्मालाई सीआईबीको हिरासतमा राखिएको छ ।
यसैवीच लहरो तान्दा पहरो तानिन्छ भनेजस्तै पक्राउ परेका सांसद शर्मा उपर अकुत सम्पत्ति आर्जनमा सम्पत्ति शुद्धीकरण विभागबाट ४ वर्ष शुरु गरिएको अनुसन्धान संगै कर छली प्रकरणको समेत अवको चरणमा नयाँ शिराबाट अनुसन्धान हुँने सीआईबी स्रोतले जनाएको छ ।
त्यस्तै सांसद सुनिलकुमार शर्मासंगै थप चार जना चिकित्सकलाइ समेत प्रस्तु प्रकरणमा पक्राउ गरेको जनाएको छ । पक्राउ पर्नेमा डा रामबाबु यादव, डा रञ्जित यादव, डा एलिना साह र डा अमित चौधरी रहेको सीआईबीले जनाएको छन् ।
