काठमाडौं जेठ १८,
नेपाल प्रहरीले नक्कली भुटानी शरणार्थी प्रकरणमा थप एक जना पक्राउ गरेका छन । शरणार्थी प्रकरणको अनुसन्धान अघि बढेपछि फरार रहेका हरिभक्त महर्जनलाई प्रहरीले आज काठमाडौंबाट पक्राउ गरेको हो ।
यसअघि प्रस्तुत प्रकरणमा पूर्वउपप्रधानमन्त्री टोपबहादुर रायमाझी, पूर्वगृहमन्त्री बालकृष्ण खाण, सचिव टेकनारायण पाण्डे, तत्कालीन गृहमन्त्री रामबहादुर थापाका सुरक्षा सल्लाहकार इन्द्रजित राईसहित १७ जना पक्राउ परिसकेको छन ।
यसवीचमा पक्राउ परेका र फरार रहेको समेत गरि कुल ३० जनाविरुद्ध राष्ट्र हित प्रतिकूल, संगठित अपराध, ठगी र किर्तेका दफा लगाएर बिगो, कैद र जरिवानाको मागदाबीसहित सरकारी वकिलको कार्यालयले मुद्दा दायर गरिएको छ ।
केही दिनअघि फरार मध्येका एक लक्ष्मी महर्जन पक्राउ परेको केहि समय पछि हरिभक्तलाइ काठमाडौंबाट पक्राउ गरिएको प्रहरी स्रोतले जनाएको छ ।
