काठमाडौं बैशाख २९,
विश्व हिन्दु महासंघको नामबाट पूर्वसचिव चक्रबन्धु अर्याल र शास्त्रदत्त पन्तलगायतका गतिविधिलाई अनधिकृत र गैरकानुनी भन्दै अदालतले रोक लगाएको छ । यसअघि विश्व हिन्दु महासंघको १०औं महासभाले २०७८ मंसिरमा अस्मिता भण्डारी [टीकादेवी] लाइ दिएको कार्यवाहक अध्यक्षको जिम्मेवारीले २०७९ सालमै वैधानिकता पाएसंगै अर्यालले आफुलाइ महासंघको निमित्त अध्यक्ष र पन्तले निर्वाचन संयोजक भन्दै बैशाख २१ मा निर्वाचन अधिवेशन बोलाउने जस्तो संस्थागत मान्यता विपरितका क्रियाकलाप गर्दै आएको थियो ।
पूर्वसचिव चक्रबन्धु अर्याल र शास्त्रदत्त पन्तको अराजक क्रियाकलापविरुद्ध कार्यवाहक अध्यक्ष अस्मिता भण्डारीले उच्च अदालतमा रिट दायर गरेकी थिइन् । 
उच्च अदालतले तत्काल बैशाख १९ मै अन्तरकालीन अन्तरिम आदेश दिँदै २७ गते बुधबार छलफलका बोलाएको थियो । त्यसका वावजुद पनि अर्याल र पन्तलगायतलाई अनधिकृत र गैरकानुनी काम नगर्न नछोडेपछि उच्च अदालत पाटनले बुधबार अर्याल र पन्तलगायतलाई महासंघको नाममा कुनै भेला र गतिविधि नगर्न नगराउन पूर्व आदेशलाइ निरन्तरता दिदै महासंघको नाममा कुनै भेला र गतिविधि नगर्न नगराउन अन्तरिम आदेश जारी हो ।
