काठमाडौं चैत ३,
मुलुकको तेस्रो उपराष्ट्रपति चयनका आज हुँदै गरेको मतदानमा संघीय संसद्का ३३२ र प्रदेश सभाका ५५० सांसद मतदाता मध्ये साढे २ बजेसम्म प्रदेशतर्फ ५१० र संघतर्फ २९१ मत खसेको सहायक निर्वाचन अधिकृत अमृताकुमारी शर्माले जानकारी दिनुभयो ।
नयाँ बानेश्वरस्थित संसद् भवन परिसरमा शुक्रबार बिहान १० बजेदेखि सुरु भएको मतदान अपराह्न ३ बजेसम्म जारी रहनेछ । संघीय संसद्का सदस्य र प्रदेश सभा सदस्यका लागि बेग्लाबेग्लै मतदान केन्द्र तय गरिएको छ । निर्वाचनमा संघीय संसद्का ३३२ र प्रदेश सभाका ५५० सांसद मतदाता रहेका छन् ।
उपराष्ट्रपति पदका लागि जनता समाजवादी पार्टीबाट रामसहाय यादव, नेकपा एमालेबाट अष्टलक्ष्मी शाक्य र जनमत पार्टीबाट ममता झा उम्मेदवार रहेका छन् । सहायक निर्वाचन अधिकृत शर्मालेमतदान सम्पन्न भएलगत्तै मतगणना सुरु हुने र आजै साँझ ६ बजेसम्म मतपरिणाम सार्वजनिक गरिने तयारी रहेको उहाँले बताउनुभयो ।
