काठमाडौं चेत २,
भारतीय आयल कर्पोरेसनले नेपाललाइ पेट्रोलियम पदार्थको घट्दो मूल्यसूची सहितको सूची पठाएको छ । भारतीय आयल कर्पोरेसनले नेपाललाइ हरेक १५ दिनमा पेट्रोलियम पदार्थको नयाँ मूल्य सूची पठाउने गरेको छ । नेपाल आयल निगमलाइ आईओसीले पठाएको नयाँ मूल्य सूचीअनुसार पेट्रोलको मूल्य लिटरमा ८६ पैसा र डिजेलको मूल्य लिटरमा १ रुपैयाँ ७४ पैसाले घटेर आएको छ ।
यसअघि नेपाली बजारमा पेट्रोल प्रतिलिटर १७८ रुपैयाँ र डिजेल तथा मट्टीतेल प्रतिलिटर १७५ रूपैयाँमा बिक्री भइरहेको छ भने खाना पकाउने ग्याँसको मूल्य प्रति सिलिण्डर १८ सय रुपैयाँमा कारोवार भइरहेको छ ।
यद्यपी आईओसीले पठाएको नयाँ मूल्य सूचीको सवालमा आयल निगम सञ्चालक समिति वा व्यवस्थापन समितिको बैठकले पेट्रोलियम पदार्थको मूल्य घटाउने वा यथावत राख्ने भन्ने निर्णय लिने निगम स्रोतले जनाएको छ ।
