काठमाडौं चेत २,
आईसीसी विश्वकप लिग २ अन्तर्गत त्रिदेशीय सिरिज अन्र्तगत आज नेपाल र संयुक्त अरव इमिरेट्सवीच अन्तिम तथा निर्णायक खेलमा नेपाल बिजयी भएको छ ।
टस जितेर पहिले ब्याटिङ रोजेको युएईले निर्धारित ५० ओभरमा ६ विकेटको क्षतिमा ३१० रनको विशाल टार्गेट दिएको थियो । तर युइएविरुद्ध डकवर्थ लेविस पद्धतिमा नेपालले ९ रनले जित हात पार्न सफल भएको हो ।
डकवर्थ लेविस पद्धति अर्थात खराव प्रकाशको नियमअनुसार ४४ ओभरमा नेपालले २६० रन बनाए पुग्नेमा २६९ रन बनाउदै आजको महत्वपूर्ण खेल जितेको हो ।
नेपाललाई खेल जिताउन कुशल भुर्तेल ५०, भिम सार्कीले ६७ ,आरिफ शेखले ५२ र गुलशन झाले नटआउट ५० रनको योगदान गरेको थियो । त्यस्तै ओपनर आसिफ शेखलाई शुन्य ,कुशल मल्ल ५, कप्तान रोहित पौडेल १६ रनमा आउट भएका थिए । दिपेन्द्र सिंह ऐरिले नटआउट १० रन बनाएका थिए ।
आजको जितसंगै नेपालले नेपालल लिग खेल चरणको ३६ खेल मध्ये १९ मा जित र १५ मा हारसहित ४० अङ्कका साथ तालिकाको तेस्रो स्थानमा आफुलाइ सुरक्षित राख्दै आगामी वर्ष जिम्बावेमा हुने एकदिवसीय विश्वकप ग्लोबल छनोट खेल्ने अवसर प्राप्त गरेका छन ।
