काठमाडौं फागुन १८,
फागुन २५ गते हुने राष्ट्रपति निर्वाचनमा नेपाली कांग्रेसका वरिष्ठ नेता रामचन्द्र पौडेललाई राष्ट्रपतिको उम्मेदवार बनाएका ८ दलले आज आफ्ना संघीय सांसदहरूलाई प्रशिक्षण दिने भएका छन्।
काठमाडौँको तीनकुनेस्थित रोयल व्याङ्क्वेटमा दिउँसो १ बजेदेखि हुने प् अभिमुखीकरण कार्यक्रममा राष्ट्रियसभा र प्रतिनिधिसभाका सांसदहरूलाई प्रशिक्षण दिन लागिएको कांग्रेस मुख्यसचिव कृष्णप्रसाद पौडेलले जानकारी दिनुभयो ।
त्यस्तै उहाँले शीर्ष नेताहरूले सम्बोधन सहित हुने प्रशिक्षण कार्यक्रममा कांग्रेस, माओवादी, जसपा, नेकपा एकीकृत समाजवादी, जनमत पार्टी, लोसपा, नागरिक उन्मुक्ति पार्टी र राष्ट्रिय जनमोर्चाका शीर्ष नेताहरू र सांसदहरूको उपस्थित रहने जानकारी दिदै प्रशिक्षण कार्यक्रम नेपाली कांग्रेसको संयोजन र व्यवस्थापन सञ्चालन हुने बताउनुभयो ।
राष्ट्रपतिको निर्वाचनमा ८ दलको तर्फबाट कांग्रेसका वरिष्ठ नेता रामचन्द्र पौडेललाई उम्मेदवार हुनुहुन्छ भने नेकपा एमालेबाट सुवासचन्द्र नेम्वाङ उम्मेदवार रहेका छन्।
