काठमाडौं मंसिर ६,
मौसम पूर्वानुमान महाशाखाले पछिल्लो समय नेपाली वायुमण्डलमा पश्चिमी वायुको प्रभावबढेसँगै घट्दो मौसमी तापक्रमका कारण काठमाडौँ उपत्यकामा बढी चिसो महसुस भएको जनाएको छ ।
महाशाखाले आज काठमाडौँको न्यूनतम तापक्रम सात दशमलव पाँच डिग्री सेल्सियस मापन भएसंगै आज यो वर्षकै बढी चिसो महसुस गरिएको जनाएको हो ।
त्यस्तै महाशाखाले तापक्रम घट्ने क्रम बढ्दो रहेका कारण चिसोबाट बच्न आवश्यक सावधानी अपनाउन सबैमा अनुरोध गर्दै आज काठमाडौ उपत्यकाको न्यूनतम तापक्रम ७ दशमलव पाँच डिग्री र अधिकमत तापक्रम २२ दशमलव सात डिग्री सेल्सियस रहेको जनाएको छ ।