काठमाडौं कार्तिक १७,
मङ्सिर ४ गते हुन लागेको प्रतिनिधिसभा र प्रदेशसभा सदस्य निर्वाचनको मिति नगिचिदै गर्दा चुनावी सरगर्मी ह्वात्तै बढेको छ । यसवीचमा निर्वाचन आयोगले जारी गरेको आचारसहिता अनुरुप आजदेखि मंसिर १ गतेसम्म चुनावी प्रचारप्रसारको कार्यक्रम खुला गरेसंगै यत्र तत्र सर्वत्र निर्वाचनको माहौल देखिएको हो।
आयोगको अनुसार कात्तिक १७ गते देखि मङ्सिर १ गते साँझसम्म विहान ७ बजे देखि साँझ ७ बजेसम्म निर्वाचन प्रचारप्रसार अन्तर्गत जुलुस, आमसभा, कोणसभा लगायतका चुनावी कार्यक्रम गर्न पाइने जनाएसंगै राजनीतिक दल र स्वतन्त्र उम्मेदवारवृतमा चुनावी प्रचारप्रसारको चटारो
सहित भ्याइनभ्याइको स्थिती देखिएको हो ।
त्यस्तै यसवीचमा आयोगले काठमाडौं जिल्ला स्थित १० निर्वाचन क्षेत्रको वस्तुगत अवस्था अर्थात कुल मतदाताको विवरण , निर्वाचनमा सहभागी राजनैनिक दल र स्वतन्त्र उम्मेदवारको विवरण, पुरुष मतदाता र महिला मतदाताको सख्या, मतदान केन्द्र र मतदान स्थल र समावेशी विवरण लगायतका सचित्र प्रकाशन न गरेको छ जुन निम्नानुसार रहेको छ ।
