काठमाडौं कार्तिक १६,
कार्तिक शुक्ल नवमीदेखि पूर्णिमासम्म भगवान् लक्ष्मीनारायण अमलाको बोटमा निवास गर्नुहुने विस्वास सहित आजका दिन अमलाको वोटको पुजनसंगै कुभिण्डो दान गरि कुष्माण्डा नवमी पर्व मनाइँदै छ ।
आयुर्वेदिक औषधिका रूपमा उपयोग गरिने अमला अमृत मानिन्छ । त्रिफला चूर्ण बनाउँदा आवश्यक पर्ने तीन जडीबुटीमध्ये अमला एक हो । हर्रो, बर्रो र अमला मिलाएर बनाइने त्रिफला चूर्ण धेरै रोगको उपचारमा प्रयोग हुँदै आएको छ।
त्यस्तै पद्मपुराणअनुसार कार्तिक शुक्ल नवमीको दिन द्वापर युगको आरम्भ भएको थियो । यसै दिन भगवान् विष्णुले कूष्माण्ड नाम गरेको दैत्यको वध गरेको हुनाले यो दिनलाई कूष्माण्ड नवमी भनिएको हो । कूष्माण्ड दैत्यको शरीरबाट कुभिण्डो उत्पन्न भएको हुनाले यो दिन कुभिण्डो दान गर्नाले अनन्त कोटी फल प्राप्त जनविस्वास रआिएकोछ ।
साथै आजको दिन मिथिला क्षेत्रमा अमलाको रुखको फेदमा खाना वा खिर बसेर खाने परम्परा समेत रहिआएको छ ।