काठमाडौं असोज ३० ,
वाङ्मय शताब्दी पुरुष सत्यमोहन जोशीको आज बिहान ७ः०९ बजे निधन भएको छ । किस्ट मेडिकल कलेज तथा शिक्षण अस्पतालमा उपचाररत जोशीको आज १०३ वर्षको उमेरमा निधन भएको हो।
वाङ्मय शताब्दी पुरुष सत्यमोहन जोशीको निधनप्रति राष्ट्रपति विद्यादेवि भण्डारी र प्रधानमन्त्री शेरबहादुर देउवाले दुःख व्यक्त गर्नुभएको छ ।
राष्ट्रपति भण्डारी र प्रधानन्त्री देउवाले सामाजिक सञ्जाल ट्वीटरमार्फत जोशीको निधनको खबरले निकै दुःखी तुल्याएको उल्लेख गर्दै उहाँको आत्माको चीर शान्तिको कामनाका साथ शोकसन्तप्त परिवारजनमा समवेदना प्रकट गर्नुभएको छ ।
वाङ्मयम शताब्दी पुरुष सत्यमोहन जोशीको निधनबाट मुलुकले एक अथक स्रष्टा एवं अभिभावक गुमाएको पीडाबोध भएको छ । उहाँको सार्थक जीवन हामी सबैका लागि प्रेरणाको अजस्र स्रोत हो । अमर सत्यमोहनप्रति हार्दिक श्रद्धाञ्जली !
— Bidya Devi Bhandari (@PresidentofNP) October 16, 2022
शताब्दी पुरूष सत्यमोहन जोशीको निधनको खबरले निकै दुःखी भएको छु। उहाँले नेपाली संस्कृतिको क्षेत्रमा गरेको योगदान राज्यले सधै सम्झिरहनेछ।
उहाँको आत्माको चिर शान्तिको कामना गर्दै परिवारजनमा हार्दिक समवेदना व्यक्त गर्दछु। pic.twitter.com/bFzDGnDGuG
— Sher Bahadur Deuba (@SherBDeuba) October 16, 2022
विसं १९७७ साल वैशाखमा जन्मेका जोशी लामो समयदेखि प्रोस्टेट तथा मुटुको समस्याबाट पीडित रहनुको अलावा पछिल्लो समय डेङ्गु सङ्क्रमण, छातीमा निमोनियाको सङ्क्रमणका साथै मुटुको समस्याबाट समेत पिडित हुँदै आएको थियो । त्यस्तै पछिल्लो समय उहाँको अक्सिजन स्याचुरेसन लेभल कम भएर सघन उपचार कक्षमा सिफ्ट गरी उपचार गराउँदै आउँनु भएको थियो ।