काठमाडौं असोज २०,
अविरल वर्षा संगै हिले दशैं बनेको वर्ष२०७९ को बडादशैं अन्र्तगत आज टीकाको दोस्रो दिन वर्षाकोवीच पनि आफ्ना मान्यजनको हातवाट टीका लगाउने क्रम जारी रहेको छ ।
पहिलो दिन बुधबार विजयादशमीका दिन घरपरिवारमा टीका लगाएकाहरुले आज दोस्रो दिन आफन्त तथा मान्यजनको हातबाट टीका जमरा लगाइ आशीर्वाद लिने गर्दछ ।
यसपटकको बडादशैंमा वर्षाका सडकहरु अवरुद्ध रहेका छन् भने दुरदराजमा रहेको आफ्ना मान्यजनको हातबाट टीका जमरा सहित आशीर्वाद ग्रहण गर्ने जाने क्रममा विराम लागेको अवस्था छ । यद्यपी देवी दुर्गाको प्रसाद कोजाग्रत पूर्णिमाको दिनसम्ममा परम्परा रहेका कारण दशैंको टीका कोजाग्रत पूर्णिमासम्म लगाउने गरिन्छ । यसवीचमा ठूलाले सानालाई टीका लगाइ आशीर्वाद दिने क्रमलाइ निरन्तरता दिईएको छ ।
