काठमाडौं साउन २९,
नेपाल प्रहरीको उपत्यका अपराध अनुसन्धान कार्यालयलेको टोलीले बेलायत पठाईदिन्छु भन्दै नगद १५ लाख रुपैयाँ ठगी गरेको अभियोगमा काठमाडौं महानगरपालिका २९ सामाखुसी बस्ने ईलाम नगरपालिका १ नारायणटार घर भएका ३७ वर्षीय प्रकाश राईलाई आइतबार दिउँसो पक्राउ गरेको छ ।
प्रहरीका अनुसार राईले ५ जनालाई सिजनल भिषामा बेलायत जानको लागि प्रति व्यक्ति नगद ९ लाख रुपैयाँ लाग्ने र बेलायत पुगेपछि प्रतिष्ठित एग्रिकल्चर कम्पनीमा काम लगाइदिन्छु मासिक नगद४ लाख रुपैयाँसम्म तलव हुन्छ भनी विश्वास दिलाई प्रलोभनमा पारी उनीहरूबाट प्रतिव्यक्ति ३ लाख गरी जम्मा १५ लाख रुपैयाँ लिई ठगी गरी सम्पर्क बिहिन भएपछि आवश्यक अनुसन्धानसंगै उनलाई काठमाडौं काठमाडौ सिनामंगल शम्भुमार्गबाट पक्राउ गरेको जनाएको छ ।
साथै पक्राउ परेका राई उपर थप अनुसन्धान तथा कारवाहीको लागि वैदेशिक रोजगार विभाग बुद्धनगर चलान गरिएको प्रहरीले जनाएको छ।
