काठमाडौं असार २१,
स्वास्थ्य तथा जनसङ्ख्या मन्त्रालयले पछिल्लो २४ घण्टामा थप ९० जनामा कोभिड सङ्क्रमण पुष्टि भएको जनाएको छ । ३ हजार ११२ को नमूना परीक्षण अन्र्तगत १ हजार ९४४ को पिसिआर र १हजार १५८ को एन्टिजेन परीक्षण गर्ने क्रममा पिसिआर तर्फ ७३ र एन्टिजेनतर्फ १७ जना गरि उल्लेखित सख्यामा संक्रमितको पहिचान भएको हो ।
त्यस्तै यसवीचमा २० जना सङ्क्रमणमुक्त भएको र योसंगै नेपालमा कोभिड मुक्त हुनेको सख्या ९ लाख ६७ हजार ५५५ पुगेको मन्त्रालयले जनाएको छ । त्यस्तै सक्रिय सङ्क्रमितको सङ्ख्या निकै रफ्तारमा बढेको र पछिल्लो समय संक्रमितको सख्या ४०१ रहेको जनाउँदै मन्त्रालयले आइसियु दुई र भेन्टिलेटरमा १ जना सङ्क्रमित उपचार भइरहेको जानकारी दिएको छ । त्यस्तै उपत्यकाका ३ जिल्लामध्ये काठमाडौमा २१९ र ललितपुर ३४ र भक्तपुरमा १० सक्रिय सङ्क्रमित रहेको मन्त्रालयले जनाएको छ ।