कास्की असार १७,
वडा प्रहरी कार्यालय बैदामको टोलीले पोखरा महानगरपालिका १७ ड्यामसाइडस्थित भर्जु ईन होटलबाट स्रोत नखुलेको ४५ लाख ९७ हजार १ सय ८० रूपैयाँ नगद सहित ४ जनालाई बिहीबार प्रहरीले पक्राउ गरेको छ ।
प्रहरीका अनुसार पक्राउ पर्नेहरूमा नुवाकोट ककनी गाउँपालिका९७ घर भएका २३ वर्षीय सुमन तामाङ र चिनियाँ नागरिक राहदानी नम्बर ईजी४४८७०८७ यीन यिङ्बो सहित ४ जना रहेका छन ।
प्राप्त सूचनाको आधारमा अनुसन्धान सहित तलासी गर्दा होटलको कोठा नम्बर ४०८ बाट उक्त स्रोत नखुलेको नगदसंगै ४ थान मोबाईल फोन, विभिन्न कम्पनीका ९७ थान ल्यापटप, ९ थान डेक्सटप र विभिन्न कम्पनीका अन्य २ सय २८ थान मोबाईल फोन समेत बरामद भएको जनाएको छ।
साथै पक्राउ परेको अभियुक्त उपर थप अनुसन्धान भइरहेको प्रहरीले जनाएको छ।