काठमाडौं असार ९,
छिमेकी मुलुक भारतमा समेत कोभिड १९ को संक्रमण बढ्दै गर्दा नेपालमा पनि विगत केही समययता निकै घटेको कोभिड संक्रमणको श्रृखला फेरि उकालो लागेको छ । स्वास्थ्य तथा जनसंख्या मन्त्रालयले पछिल्लो २४ घण्टामा देशभर थप ४९ जनामा संक्रमण पुष्टि भएको छ । यसअघि बुधबार ३१ जना नयाँ संक्रमित थपिएका थिए भने मंगलबार १९ जना नयाँ संक्रमितको पहिचान भएको जनाएको छ।
मन्त्रालयका अनुसार १हजार २३४ जानको पीसीआर विधिबाट नमूना परीक्षण गर्दा ३३ जनामा र १२सय६० जनाको एन्टीजेन विधिबाट नमूना परीक्षण गर्दा १६ जनामा संक्रमण पुष्टि भएको हो । त्यस्तै सक्रिय संक्रमितको संख्या पनि ह्वात्तै बढेर १६३ पुगेको छ । यसमध्ये काठमाडौंमा मात्रै सक्रिय संक्रमित ९६ जना रहेको मन्त्रालयले जनाएको छ।
