काठमाडौं जेठ ३१ ,
पछिल्लो समय चौतर्फी मलको हाकाकारको प्रसंग चुलिदै गर्दा साल्ट ट्रेडिङ कर्पोरेशन लिमिटेडले माटोको उर्वरा शक्ति बढाउन प्रयोग हुने डिएपी र वाली विकासका लागि प्रयोग हुने युरिया रासायनिक मल भित्र्याउन सुरु गरेको छ।
सरकारले यसपटक कर्पोरेशनलाई कूल एक लाख मेट्रिक टन र बाँकी सरकारी स्वामित्वको कृषि सामग्री कम्पनीलाई दिएको जिम्मेवारी अनुरुप कर्पोरेशनले आफुलाइ मल आयात गर्न प्राप्त अनुदान अनुरुप इण्डोनेसियाबाट युरिया मल नेपाल आयात गरेको हो । यसवीचमा १७ हजार मेट्रिक टन डिएपी मल स्वदेश भित्रिई कर्पोरेशनको डिपोमार्फत वितरण भइराखेको जानकारी सहित र २२ हजार मेट्रिक टन युरिया मल असारको पहिलो साता स्वदेश भित्रिने साल्ट ट्रेडिङका विभागीय अधिकारीले जानकारी दिएको छ।
कर्पोरेशनका विभागीय प्रबन्धक बज्रेश झाले २० हजार मेट्रिक टन डिएपी र २२ हजार मेट्रिक टन मलसहित एक लाख मेट्रिक टन मल नेपाल ल्याउन सरकारबाट पाएको स्वीकृति अनुरुप मल ल्याउँने काम भइरहेको र बाँकी ३ हजार मेट्रिक टन डिएपी र २२ हजार मेट्रिक टन युरिया भारतको कोलकाता बन्दरगाहमा आइसकेको जानकारी दिनुभएको हो ।
त्यस्तै उहाँँले ३ हजार मेट्रिक टन डिएपी र २२ हजार मेट्रिक टन युरिया नेपाल भित्रिएसंगै मलको चरम अभवालाइ धेरै हदसम्म सम्बोधन हुने बताउनुभयो ।
