काठमाडौं जेठ २७,
पृथ्वी राजमार्गअन्तर्गत तनहुँको आँबुखैरेनी गाउँपालिका–४ साखर ड्याममा भासिएको सडकसँगै मर्स्याङ्दी नदीमा दुई जना पुरुषको शव फेला परेको तनहुँ प्रहरीले जनाएको छ ।
प्रहरीका अनुसार निरन्तर परेको वर्षाका कारण खसेको पहिरोमा परि आज बिहान भासिएको सडकबाट कार र मोटरसाइकल पहिरोमा एउटा कार र मोटरसाइकल खसेका थिए । तर मोटरसाइकल खसे पनि मोटरसाइकल चालक भने सकुशल रहेको जनाउँदै कार भने पहिराले पुरिएको अवस्थामा भेटिएको जनाएको छ ।
यसैवीच जिल्ला प्रहरी कार्यालय तनहुँले सडक भासिएपछि अवरुद्ध भएको तनहुँको आँबुखैरेनी गाउँपालिका–४, साँखर ड्याममा सडक एकतर्फी सञ्चालनमा आएको जनाउँनुको अलावा सडक भासिँदा बा १० च ४६७९ नम्बरको कार, ग १५ प २९५३ नम्बरको मोटरसाइकल, बा ३३ प १०८१ नम्बरको मोटरसाइकल खसेर बेपत्ता भएको घटनामा दुई पुरुषको शव भेटिएको प्रहरीले जनाएको छ ।