काठमाडौं जेठ २४,
पछिल्लो समय फोहर व्यवस्थापनको बढ्दो जटिल पक्षप्रति केन्द्रीत हुँदै काठमाडौँ महानगरपालिकाका प्रमुख बालेन्द्र साहले स्रोतबाट नै कुहिने र नकुहिने फोहोरको वर्गीकरण नगरे सङ्कलन नगरिने बताउनुभएको छ । उहाँले आज फोहर व्यवस्थापनमा सहयोग गर्न नगरवासीका लागि सामाजिक सञ्जालमार्फत अपिल जारी गर्दै घरबाटै कुहिने र नकुहिने फोहोरको वर्गीकरण नगरे पुनः घरमा नै फिर्ता पठाइने जनाउ दिनुभएको हो ।
त्यस्तै महानगर प्रमुख साहले जारी अपिलमा फोहर व्यवस्थापन गर्नु तपाईं र मेरो साझा दायित्व हो”, भन्दै आफ्नो कोठा, घर, कार्यालय तथा व्यवसायीक क्षेत्र बाठ उत्पादन हुने फोहरको स्रोत पहिचान सहित कुहिने र नकुहिने फोहर छुट्याएर विर्सजनका लागि आग्रह गर्नु भएको छ। 
साथै उहाँले स्रोतबाट नै कुहिने र नकुहिने फोहोरलाई छुट्याइदिने हो भने त्यसको व्यवस्थापन सहजै हुने जनाउ सहित हामी स्वच्छ र स्वस्थ काठमाडौँमा बाँच्न पाउँछौँ भने हाम्रो कारणले अन्त कसैले रोगी भएर बाँच्नु वा मर्नु पर्दैन”, उहाँले अपिल मार्फत महानगरवासीलाइ आग्रह गर्नुभएको हो ।
