काठमाडौ बैशाख २४ ,
आगामी बैशाख ३० गते हुने स्थानीय तह निर्वाचन लक्षित हुँदै सत्ता गठबन्धनले आज बुटवलमा आयोजित चुनावी सभालाइ सम्बोधन गर्दै प्रधानमन्त्री तथा कांग्रेसका सभापति शेरबहादुर देउवाले संविधान र लोकतन्त्रको रक्षाका लागि निर्वाचित संसद् भङ्ग गर्ने ओलीको अराजक कदमलाई रोक्नकै लागि सत्ता गठबन्धन आवश्यक बनेको बताउनुभएको छ ।
त्यस्तै उहाँले मुलुकमा लोकतन्त्रको आवरणमा मौलाएको अराजकताबाट देशको संविधानलाइ बचाउन बनेको सत्ता गठबन्धन समग्रमा राष्ट्रिय आवश्यकता बनेको बताउँदै गठबन्धनको भविष्यबारे कसैले पनि शङ्का नगर्न आग्रह गर्नुभएको छ । साथै स्थानीय तह निर्वाचनका लागि बनेको गठबन्धनलाई थप मजवुत बनाउँन सबैले गठबन्धनका उम्मेदवारलाई जिताउन आवश्यक रहेको
बताउनुभयो ।
त्यस्तै प्रधानमन्त्री देउवाले समबोधनको क्रममा बुद्धको जन्मस्थल लुम्बिनीको विकासमा सरकार लागिपर्ने प्रतिबद्धता व्यक्त गर्दै भूमिहीन, अव्यवस्थित बसोबासीका समस्या समाधानका लागि सरकारले भूमि आयोग गठन गर्दै कार्यारम्भ गरिसकेको बताउनुभयो ।
