काठमाडौं बैशाख १४,
सत्ता गठबन्धनका ५ दलीय शीर्ष नेतृत्वको आज बसेको बैठकमा स्थानीय तह निर्वाचनको क्रममा सत्ता गठबन्धनको निर्णय विपरीत गठबन्धन आवद्ध दलको तर्फबाट दर्ता भएको उम्मेदवारी सम्बन्धित दलले फिर्ता लिने सहमति भएको छ ।
प्रधानमन्त्री एवम् नेपाली काँग्रेसका सभापति शेरबहादुर देउवाको अध्यक्षतामा बुधबार बसेको बैठकपछि जारी संयुक्त हस्ताक्षर सहितको विज्ञप्तिमा छ महानगर र ११ उपमहानगरपालिकामा गठबन्धनको निर्णय विपरीत गठबन्धनभित्रका दलको तर्फबाट दर्ता भएको उम्मेदवारी सम्बन्धित दलले फिर्ता लिने सहमति भएको ल्लेख गरिएको छ। 
त्यस्तै बैकठले ५ दलबीच कुनै पनि तहमा गठबन्धन बाहेकका दलसँग भएको चुनावी तालमेल समेत खारेज गर्ने सहमति संगै सहमति विपरीत दर्ता भएको बागी उम्मेदवारी फिर्ता लिन आआफ्ना दल मातहतका तल्ला समितिहरुलाई निर्देशन दिइएको छ ।
