काठमाडौं चैत २५,
बिहीबार बसेको मन्त्रिपरिषद्को बैठकले विभिन्न देशमा रिक्त रहेको नेपाली राजदूत मा नियुक्तिका लागि सिफारिस गरेको छ। सरकारले राजनीतिक नियुक्तिबाट १२ जना र परराष्ट्र मन्त्रालयका ८ जनालाई राजदूतमा सिफारिस गरेको हो ।
यसरी सिफारिस भएकाहरुमा परराष्ट्र मन्त्रालय तर्फबाट क्रमस घनश्याम भण्डारीलाई बंगलादेश, हरिशचन्द्र घिमिरेलाई बहराइन, डोरनाथ अर्याललाई ओमान, सुशीलकुमार लम्साललाई इजिप्ट, भरतकुमार रेग्मीलाई भियना, राष्ट्रसंघीय स्थायी नियोग, निर्मलराज काफ्ले , ब्र्राजिल, दुर्गाबहादुर सुवेदीलाई जापान, तीर्थराज वाग्लेलाई म्यानमारमा राजदूतका लागि सिफारिस गरिएको छ ।
त्यस्तै राजनीतिक नियुक्ति तर्फ क्रमस विष्णुपुकार श्रेष्ठलाई चीन, दानबहादुर तामाङ दक्षिण अफ्रिका, शर्मिला पराजुली ढकाल स्पेन, वासुदेव मिश्र श्रीलंका, मिलन तुलाधर रसिया र कैलाश पोखरेललाई अस्ट्रेलिया र डिल्लीराज पौडेललाई मलेसिया, शान्ता रिजाल इजरायल, ज्योति प्याकुरेल दक्षिण कोरिया, प्राडा रामसुरज राय यादव डेनमार्क, नवराज सुवेदी साउदी अरब, नरेश विक्रम ढकाललाई कतारका लागि राजदूतमा सिफारिस भएका छन ।
यसवीचममा प्राप्त जानकारी अनुसार अस्ट्रेलियाका लागि सिफारिस पोखरेल नेकपा एसका अध्यक्ष नेपालका बहिनीज्वाइँ र श्रीलंकाका लागि सिफारिस भएका मिश्र ऊर्जामन्त्री तथा माओवादी केन्द्रकी नेतृ पम्फा भुसालका बहिनी ज्वाइँ भएको बताइएको छ। सरकारले सिफारिस गरेका नामको संसदीय सुनुवाइ भएपछि राष्ट्रपतिले नियुक्त गर्ने संवैधानिक व्यवस्था छ ।
