काठमाडौं बैशाख १४,
स्थानीय तह सदस्य निर्वाचनका लागि दर्ता भएको मनोनयनविरुद्ध परेको उजुरीमा निर्वाचन आयोगले आजदेखि जाँचबुझ गर्ने भएकोछ ।
निर्वाचन आयोगका प्रवक्ता शालिकराज शर्मा पौडेलले ७५३ स्थानीय तहका लागि आइतबार र सोमबार मनोनयन दर्ता भएकामा मंगलबार उम्मेदवारविरुद्ध उजुरी आह्वान भएको र प्राप्त उजुरीमाथि आज र भोलि जाँचबुझ सहित आयोगले थप र्णिय गर्ने बताउनुभयो ।
त्यस्तै आयोगले बिहीबार उम्मेदवारको नामावली प्रकाशन संगै बैशाख १६ मा उम्मेदवारले नाम फिर्ता लिने र उम्मेदवारहरूको अन्तिम नामावली प्रकाशन गर्ने कार्यतालिका रहेको बताउनुभयो । साथै आयोगले बैशाख १७ गते मात्रै उम्मेदवारहरूलाई निर्वाचन चिह्न प्रदान गर्ने जनाएके छ।