काठमाडौं फागुन १७,
महाशिवरात्रि पर्वको अवसरमा स्वदेश तथा विदेशमा रहेका सम्पूर्ण नेपालीमा शुभकामना व्यक्त गर्दै राष्ट्रपति विद्यादेवी भण्डारीले शुभकामना सन्देश जारी गर्दै प्रस्तुत पर्वले नेपाली समाजलाई प्रगतिको बाटोमा अग्रसर गराउँदै तमाम नेपालीको जीवनमा आध्यात्मिक जागरणको नयाँ उज्यालो छर्न सकोस् भन्ने कामना व्यक्त गरेकी छन् ।
त्यस्ते उहाँले आफ्नो सन्देशमा नेपाली भूमिसँग भगवान् शिवको सम्बन्ध विभिन्न वैदिक ग्रन्थमा वर्णन गरिएको पाइन्छ, शिवोत्पति भएको विश्वास गरिने मानसखण्डको भू–भाग, शिवको विचरणस्थल मानिने हिमवत्खण्डको मुख्य भूगोल एवम् निवासस्थल मानिने पवित्र पाशुपात क्षेत्र नेपालसँग रहनु हाम्रा लागि गौरवाको विषय भएको बताउँदै हाम्रो मुलुकका धेरै समुदायभित्र विद्यमान सनातन संस्कृतिमा शिवसँग सम्बन्धित आस्था र विश्वास निरन्तर प्रतिबिम्बित भएको पाइन्छ,” सन्देशमा भनिएको छ ।
त्यस्तै आराध्यदेव पशुपतिनाथ एवम् किरातेश्वर महादेवलाई साक्षात्शिवस्वरुप मानेर आस्था राख्ने विश्वभरिका श्रद्धालुका लागि नेपाल सदैव आध्यात्मिक चिन्तनको केन्द्र रहिआएको सन्देशमा उल्लेख गर्दै वैदिक परम्परामा शिवलाई मूलतः संहारका शक्ति मानिएको भए पनि शिवशक्तिमा सौम्य तथा रौद्र दुवै स्वरुप समाहित छन्, जसले प्रकृतिको सिर्जनात्मक एवम् संहारकारी शक्तिलाई बराबर प्रतिनिधित्व गर्दछन् । सौम्यशक्तिले मानव चेतनामा असल पक्षको बोध गराइ त्यसलाई मात्र ग्रहण गर्न उत्प्रेरित गर्ने भएकाले नै ‘सत्यम् शिवम् सुन्दरम्’ प्राचीन लोकोक्तिका रुपमा रहेको सन्देशमा उल्लेख गर्नुभएको छ ।