काठमाडौं माघ २४ ,
मन्त्रिपरिषद्को आज बसेको बैठकले आगामी वैशाख ३० गते एकै चरणमा सम्पन्न गर्ने निर्वाचनको मिति तोकेको छ । सरकारका प्रवक्ता एवं सञ्चार तथा सूचना प्रविधि मन्त्री ज्ञानेन्द्रबहादुर कार्कीले मन्त्रिपरिषद्को बैठक पछि बैठकले निर्वाचनको मिति तोकोको जानकारी दिनुभएको हो ।
यसअघि आयोगले सरकारलाई जेठ ४ गते एकै चरणमा निर्वाचन गर्न सुझाएको थियो । यद्यपी सरकारले आयोगले सुझाएको मिति भन्दा अगावै निर्वाचनको मिति तोको हो ।
त्यस्तै सरकार प्रवक्ता कार्कीले तोकिएको मितिमा निर्वाचन सम्पन्न गर्न निर्वाचनसम्वन्धी कानूनमा खासै परिमार्जन गर्न नपर्ने आयोगले सरकारलाई परामर्श दिएको जानकारी समेत दिनुभयो । यसअघि तीन चरणमा भएको निर्वाचनमा निर्वाचित पदाधिकारीहरुको समयावधि जेठ ५ गते सकिँदै छ ।