काठमाडौं २४ पुस,
स्वास्थ्य तथा जनसंख्या मन्त्रालयले पछिल्लो २४ घण्टामा देशभर थप ९४४ जनामा कोभिड संक्रमण पुष्टि भएको जनाएको छ। मन्त्रालयका अनुसार ९७६२ पीसीअर परीक्षणको क्रममा ६९६ र ३५०२ एन्टिजेन परीक्षणको क्रममा २४८ जना गरी ९४४ जनामा संक्रमण पुष्टि भएको हो ।
यस्तै यसवीचमा २९७ जना संक्रमित कोभिड मुक्त भएको जनाउनुको अलावा वितेको २४ घण्टामा कसैको मृत्यु नभएको जनाएको छ ।त्यस्तै देशभर ६ हजार १४० जना सक्रिय संक्रमित रहेको छन् ।
साथै संक्रमितमध्ये हालसम्म ८ लाख १८ हजार ६ जना निको हुँदा कुल ११ हजार ६०२ जनाको मृत्यु भएको जानकारी समेत मन्त्रालयले दिएको छ।
