काठमाडौ पुस २९,
नेपाली काँग्रेस संसदीय दलकी सचेतक पुष्पा भुषालले आफ्नै पार्टी सभापति शेरबहादुर देउवा नेतृत्वको वर्तमान सरकारका स्वास्थ्य तथा जनसंख्यामन्त्री विरोध खतिवडालाई आठ बुँदे माग सहितको ध्यानाकर्षण पत्र बुझाएको छ । स्वास्थ्य तथा जनसंख्यामन्त्री खतिवडालाई बुझाएको आठ बुँदे ध्यानाकर्षण पत्रमा मुलत पछिल्लो समय बढ्दो कोभिड संक्रमणको जोखिमसंगै परीक्षणको दायरा बढाई समयमै कोभिड नियन्त्रण गर्नका लागि तत्काल पहल गर्न माग गरिएको छ ।
त्यस्तै कोभिडको नयाँ भेरियन्टका कारण बढ्न सक्ने संक्रमितको चापलाई मध्यनजर राख्दैं देशभरीका स्वास्थ्य केन्द्र, अस्पतालहरूमा पर्याप्त तयारीका लागि सरकारबाट सक्दो सहयोग प्रदान गर्न माग गरिएकोछ ।
साथै बृद्व, बृद्वा–दीर्घरोगीहरू र बालबालिकाहरू बढी जोखिममा पर्ने हुँदा उच्च प्राथमिकतामा राख्न, नेपालमा तत्काल सबै नागरिकसाम खोप–बुष्टर पुर्याउनुपर्ने दायित्व र प्राथमिकता नेपाल सरकारको भएको हुँदा पर्याप्त खोप÷बुष्टरमा सर्वसाधरणको सहज र सरल पहुँच पु९याउन सम्बन्धित सबै संयन्त्रलाई परिचालन गर्नका लागि निर्देशन दिन माग गरिएको छ ।
त्यस्तै स्वास्थ्यकर्मी, चिकित्साकर्मी, सुरक्षाकर्मी एवं कोभिढ रोकथामका लागि खटिरहनुभएका ‘फ्रन्टलाइनर’ लाई प्रोत्साहन स्वरुप कोभिड सुविधा÷राहत प्रदान गर्दै सर्वसाधारणलाई समेत कोभिड बीमाको व्यवस्था गर्न ,सिमानाकामा हेल्थ डेक्स, होल्डिङ सेन्टर/आइसोलेसन सेन्टरको समयमा व्यवस्थापन गर्न केन्द्र, प्रदेश र स्थानीय तहहरूसँग समन्वय गर्न , कोभिड रोकथाम, नियन्त्रण र उपचारका लागि सरकारको तर्फबाट तुरुन्त योजना बनाई कार्यान्वयन गर्ने र गराउने व्यवस्था मिलाउन र कोभिड भाइरसलाई फैलन नदिनका लागि आफू र अरुको जीवन रक्षाका लागि जनचेतना कार्यक्रम गरी न्यूनतम मापदण्ड पालना गर्न÷गराउन, कडाईका साथ पहल गर्ने–गराउन माग गरिएको ।