काठमाडौं मंसिर १७,
प्रधानमन्त्री एवम् नेपाली कांग्रेसका सभापति शेरबहादुर देउवाले अबको केही महीनामै स्थानीय तहको चुनाव हुने बताएका छन् । प्रदेश नम्बर १ को पार्टी अधिवेशनलाई सम्बोधन गर्दै सभापति देउवाले केही महीनामै स्थानीय तहको निर्वाचन र एक वर्षभित्र संघ र प्रदेशको चुनावमा जाने भएकोले पार्टीका सबै नेता कार्यकर्ताहरूलाई एकढिक्का भएर तयारी गर्न निर्देशन दिनुभएो हो ।
सभापति देउवाले मुलुकको विकास र समृद्धिको नेतृत्व नेपाली कांग्रेसले मात्रै गर्छ पुष्टि भएको दाबी सहित सभालाइ भर्चुअलरुपमा सम्बोधन गर्ने क्रममा भने ‘केही महीनामै स्थानीय तहको निर्वाचनमा जानेछौं । एक वर्षभित्र संघ र प्रदेशको निर्वाचनमा जानेछौं’ त्यसअर्थमा हामी महाधिवेशनपछि तीनै तहका चुनाव केन्द्रत हुनुपर्छ ।