काठमाडौं मंसिर १९,
नेकपा माओवादी केन्द्र निकट पत्रकारहरुको साझा संगठन प्रेस सेन्टर नेपालको चौथो राष्ट्रिय महाधिवेशनले विष्णु सापकोटा ‘जुगल’को नेतृत्वमा १९९ सदस्सीय समिति घोषणा गरेको छ । शनिबार चितवनमा सुरु भएको राष्ट्रिय सम्मेलनले शनिबार जुगललाई सर्वसम्मत अध्यक्ष चयन गरेको हो ।
प्राप्त जानकारी अनुसार महाधिवेशनको बन्दसत्रमा संसोधन विधान गरेको विधान अनुरुप नया केन्द्रीय समितिको आइतबार बस्ने बैठकले १ महिला उपाध्यक्ष १ , समावेशी उपाध्यक्ष १ , खुला उपाध्यक्ष ११, महासचिव १ , उपमहासचिव ५ , सचिव खुला ६, महिला सचिव २ , आदिवासी २ , मधेसी २ दलित २, अल्पसंख्यक २, कर्णाली १ जनाको चयन गर्ने बुझिएको छ
यसअघि बन्दसत्रले १८ बुँदे चितवन घोषणापत्र जारी गर्दै प्रधानन्यायाधीशलाई उच्च नैतिकता प्रस्तुत गर्दै निकास दिन , साना लगानी पत्रपत्रिकाको संरक्षण, श्रम ऐन कार्यान्वयन नगर्ने मिडियालाई सबै सेवासुविधा बन्द गर्न, सञ्चारकर्मीले सवारीसाधन किन्दा भन्सार छुट, स्वास्थ्य बीमा लागू गर्नेलगायत निर्णय गरेको छ ।