काठमाडौं पुस २,
नेपाली कांग्रेस १४औं महाधिवेशन अन्र्तगत विहिवार भएको मतगणना पछि काँग्रेस केन्द्रीय निर्वाचन समितिले आज काँग्रेस केन्द्रीय समितिका बाँकी ५ आरक्षण् समूहको सहमहामन्त्री पदको मतगणना आज हुरु गर्ने भएको छ ।
निर्वाचन समितिले ८ आरक्षण् समूह मध्ये विाहवार ३ समूहको मतपरिणाम आइसकेकाले जनाउदै आज बाँकी ५ समूहको मतगणना गर्ने तयारी भएको जानकारी दिएको छ। त्यस्तै आज खसआर्य, मधेसी, थारु, मुस्लिम र पिछडिएको क्षेत्रबाठ प्रतिनिधीत्व गर्ने आरक्षण् समूहका सहमहामन्त्रीको मतगणना हुन लागेको जनाएको छ।
खसआर्य समूहमा किशोरसिंह राठोर, देवराज चालिसे, मधेसीकोटाका सहमहामन्त्रीमा महेन्द्र यादव र रामकृष्ण यादव प्रतिस्पर्धामा हुनुहुन्छ । थारु कोटाको सहमहामन्त्रीमा उमाकान्त चौधरी, तेजुलाल चौधरी तथा मुस्लिम क्लस्टरबाट फरमुल्लाह मन्सुर र शेख वकिल चुनावी प्रतिस्पर्धामा रहेका छन भने पिछडिएको समूहबाट जीवनबहादुर शाही, बद्री पाण्डे र चेतराज बराल उम्मेदवार रहेका छन् ।
यसमध्ये
१ मधेसी समूहको सहमहामन्त्रीमा देउवा प्यालनबाट महेन्द्र यादव,
२ खसआर्य समूहको सहमहामन्त्रीमा देउवा प्यानलबाट किशोरसिंह राठौर
३ थारु समूहको सहमहामन्त्रीमा देउवा प्यानलबाट उमाकान्त चौधरी
४ मुस्लिमसमूहको सहमहामन्त्रीमा देउवा प्यालनबाट फरमुल्लाह मन्सुर
५ पिछडिएको क्षेत्रकोसहमहामन्त्रीमा देउवा प्यालनबाट जीवनबहादुर शाही उम्मेदवार रहेका छन् ।
१ कोइराला समूहबाट मधेशीकोटाका सहमहामन्त्रीमा रामकृष्ण यादव
२ कोइराला समूहबाट खसआर्य समूहमा देवराज चालिसे
३ कोइराला समूहबाट थारु समूहबाट तेजुलाल चौधरी
४ कोइराला समूहबाट मुस्लिम कोटामा शेख वकिल
५ कोइराला समूहको पिछडिएको क्षेत्रको सहमहामन्त्रीमा बद्री पाण्डे उम्मेदवार रहेका छन् ।
१ निधी समूहबाट भने चेतराज बराल उम्मेदवार रहेका छन् । काँग्रेस केन्द्रीय निर्वाचन समतिले आज ५ सहमहामन्त्रीको मतगणना भएसंगै संभवत शनिवारबाट केन्द्रीय सदस्यहरुको मतगणना गर्ने तयारी रहेको जानकारी दिएको छ ।