काठमाडौं मंसिर १०,
स्वास्थ्य तथा जनसंख्या मन्त्रालयले पछिल्लो २४ घण्टामा २७० जना कोभिड संक्रमण पुष्टि भएको जनाएकोछ । देशभरका विभिन्न प्रयोगशालामा गरिएको ७ हजार ८२९ पीसीआर र २ हजार ६१७ जनाको एन्टीजेन परीक्षणका क्रममा उल्लेखित सख्यामा संक्रमित पहिचान भएको हो ।
त्यस्तै मन्त्रालयले आज पहिचान भएका संक्रमित संगै नेपालमा कुल संक्रमितको संख्या ८ लाख २० हजार ५२७ जना पुगेको र यसमध्ये ७ हजार २८७ जनामा सक्रिय संक्रमण रहेको जनाएको छ। साथै यसवीचमा ३०२ जना संक्रमित संक्रमण मुक्त भएसंगै देशभर निको हुनेको संख्या ८ लाख १ हजार ७२२ पुगेको जानकारी दिएको छ।
त्यस्ते वितेको २४ घण्टामा २ जना संक्रमितको मृत्यु भएको र योसंगै संक्रमणबाट मृत्यु हुनेको संख्या ११ हजार ५१८ पुगेको जानकारी दिदै पछिल्लो समय १७५ जनाको आइसीयू र ३३ जनाको भेन्टिलेटरमा उपचार भइरहेको जनाएकोछ ।
