काठमाडौं कात्तिक १९,
स्वास्थ्य तथा जनसंख्या मन्त्रालयले पछिल्लो २४ घण्टामा थप १८३ जनामा कोभिड भाइरस संक्रमण पुष्टि भएको जनाएको छ । देशभरका विभिन्न प्रयोगशालामा २ हजार ३ सय ७ जनाको पीसीआर परीक्षण गर्दा १७४ जना र २ हजार ५ सय ३७ जनाको एन्टिजेन परीक्षण गर्दा ९ जना गरी १८३ जनामा कोभिड संक्रमण देखिएको हो ।
यस्तै पछिल्लो २४ घण्टामा संक्रमणबाट २ जनाको मृत्यु भएको छ भने ६४९ उपचार पछि डिस्चार्ज भएको जानकारी दिदै मन्त्रालयले पछिल्लो समय देशभर सक्रिय संक्रमितको संख्या ८ हजार ४१३ जना रहेको जनाएको छ । साथै कुल सक्रिय संक्रमित मध्ये दुइ सय जनाको आईसीयू र ५५ जनाको भेन्टिलेटरमा उपचार भइरहेको जानकारीदिएको छ ।
