काठमाडौं मंसिर १२,
नेपाली कांग्रेसको १४ औँ महाधिवेशन अन्तर्गत काठमडौं काँग्रेस सभापतिका लागि विहानबट भएको मतदान केही बेर अगाडि सकिएको छ । १० निर्वाचन क्षेत्र, २० प्रदेश सभा निर्वाचन क्षेत्र, १० नगरपालिका र एक महानगरपालिका तथा १३८ वडा इकाइ रहेको काठमाडौं जिल्लाको प्रस्तुत मतदानमा ३ हजारभन्दा बढी क्षेत्रीय प्रतिनिधिले भाग लिएको जनाउँदै निर्वाचन समितिले निर्वाचनमा वर्तमान सभापति कृष्ण [सबुज] बानियाँ र क्षेत्र नं २ का सभापति उपेन्द्र कार्कीबीच समूहसहित प्रतिस्पर्धा भएको जानकारी दिएका छन ।
पदाधिकारी सहति ६३ सदस्यीय कार्य समितिका लागि बानियाँ नेतृत्वको टिमबाट उपसभपतिमा राजकुमार नकर्मी र गोकर्ण केसी, सचिवमा इन्द्रबहादुर थापा र गोविन्द पुडासैनी र सहसचिवमा रोमेल श्रेष्ठ र प्राडा अमिता प्रधानले उम्मेदवारी दिएका छन् भने र क्षेत्र नं २ का सभापति उपेन्द्र कार्की नेतृत्वको टिमबाट उपसभापतिमा धर्मराज अर्याल र रामलाल श्रेष्ठ, सचिवमा कुमारराज सुवेदी र सागर रञ्जित तथा सहसचिवमा लक्ष्मण गौतम र सुस्मिता प्रधानले उम्मेदवारी दिएका छन् । सौहार्दपूर्ण वातावरणमा निर्वाचन सम्पन्न भएसंगै आज रातिदेखि नै मतगणना गरिने तयारी रहेको निर्वाचन समितिले जनाएको छ ।