काठमाडौं मंसिर १,
जल तथा मौसम विज्ञान विभागले आज काठमाडौँ उपत्यकामा न्यूनतम तापक्रम सात दशमलव चार डिग्री सेल्सियस मापन भएसंगै वर्षको नै बढी चिसो महसुस भएको जनाएको छ । विभागका अनुसार मङ्गलबार काठमाडौँको न्यूनतम तापक्रम ८ डिग्री सेल्सियस मापन भएकोमा आजको तापक्रम घटेसंगै न्यूनतम तापक्रम मापनको क्रममा मंगलवारको तुलनामा चिसो बढेको जनाएकोछ ।
त्यस्तै केही दिन अघिदेखि दिउँसोको तापक्रमसमेत घट्ने क्रममा रहेको जनाउँदै यहि प्रक्रिया कायम रहने हो भने काठमाडौँ उपत्यकासहित देशभर दैनिक एकदेखि दुई डिग्री सेल्सियससम्म तापक्रम घट्ने क्रममा बढ्त्तरी हुने जनाएको छ । त्यस्तै विभागले देशका पहाडी भू–भागमा आंशिक बदली रही बाँकी भूभागको मौसम सामान्यतया सफा रहे पनि आज राति देशको पहाडी भ–ूभागमा आंशिक बदली हुे पूर्वानुमान गरेको छ ।
त्यस्तै मौसम पूर्वानुमान महाशाखाले आज सबैभन्दा कम जुम्लाको न्यूनतम तापक्रम माइनस चार दशमलव पाँच डिग्री र सबैभन्दा बढी जनकपुरको अधिकतम तापक्रम २९ दशमलव दुई डिग्री सेल्सियस मापन भएको जनाएको छ ।