काठमाडौं कात्तिक ३,
काँग्रेस सभापति शेरबहादुर देउवा नेतृत्वको गठबन्धन सरकारको बुधबार बसेको आकस्मिक मन्त्रिपरिषद्को बैठकले बाढीपहिरोका र डुबान कारण मृत्यु भएकालाई दुईलाख आर्थिक सहयोग दिने निर्णयसंगै सवै घाइतेको निःशुल्क उपचार गर्ने निर्णय गरेको छ।
त्यस्तै बैठकले एका घरका एक जनाको मृत्यु भएको भए दुई लाख, र सोभन्दा बढीको मृत्यु भएको भए प्रति मृतक एक लाखका दरले थप सहयोग गर्ने निर्णय संगै राहत र उद्धारको कार्यलाई प्रभावकारी ढंगले अघि बढाउने निर्णय समेत गरेको छ।
त्यस्तै घर भत्किएकाहरूका लागि तत्काल टहरा बनाउन ५० हजार रूपियाँ र पछि घर निर्माणका हिमाली भेगमा ५ लाख, पहाडमा ४ लाख र तराईमा ३ लाख रूपियाँ उपलब्ध गराउने निर्णय संगै जग्गा जमिन समेत गुमाएको हकमा भने जमीन खरिदका लागि प्रतिपरिवार ३ लाख रूपियाँ उपलब्ध गराउने वा सामूहिक घरको व्यवस्था गर्ने कार्यविधि तय गरेको छ।
