काठमाडौं असोज २१,
पछिल्लो २४ घण्टामा देशभर ८०५ जनामा कोभिड संक्रमण देखिएको स्वास्थ्य तथा जनसंख्या मन्त्रालयले जनाएको छ। देशभर गरिएको ७ हजार २६४ पीसीआर र ३ हजार ४०८ जनाको एन्टीजेन परीक्षणको क्रममा उल्लेखित सख्यामा संक्रमण पुष्टि भएको हो ।
त्यस्तै यसवीचमा ९११ जना संक्रमित निको भएका छन्भने ८ जना संक्रमितको मृत्यु भएको मन्त्रालयले जनाएको छ। आज पुष्टि भएको संक्रमितसंगै संक्रमणबाट मृत्यु हुनेको संख्या ११ हजार २०० पुगेको छ।
साथै कुल संक्रमितमध्ये ३२९ जना आइसीयू र ११२ जनाको भेन्टिलेटरमा उपचार भइरहेको मन्त्रालयले जनाएको छ।
