काठमाडौँ असोज १७,
महानगरीय ट्राफिक प्रहरी महाशाखाले यस वर्ष दशैं मनाउन काठमाडौं उपत्यका छाडेर घर जाने यात्रु घटेको जनाएको छ । पछिल्लो समय कोभिड महामारीको त्राससंगै दशैं मनाउन घर जाने यात्रुको संख्यामा कमी आएको हुन सक्ने अड्कल सहित उपत्यका छाड्नेभन्दा भित्रिने यात्रुको संख्या बढी देखिएको जाएको हो ।
त्यस्तै महाशाखाको तथ्यांक अनुसार असोज १५ गते ६ हजार ५०० सवारीसाधनबाट २ लाख २७ हजार ५०० यात्रु उपत्यका छाडेर बाहिरिएका छन् भने सोही दिन ६ हजार ८०० सवारीसाधनमा २ लाख ३८ हजार यात्रु उपत्यका भित्रिएको जनाएको छ । त्यस्तै यातायात व्यवसायी महासंघले समेत उपत्यका भित्रिने भन्दा बाहिरिने यात्रु कम रहेको जनाएको छ ।
