काठमाडौं असोज १४,
संसद बैठकमा हुँदै आएको गतिरोध अन्त्य गर्न प्रधानमन्त्री शेरबहादुर देउवाले आज आव्हान गर्नु भएको सर्वदलीय बैठक बालुवाटारमा सुरु भएको छ ।
बैठकमा प्रधानमन्त्री देउवा, नेकपा माओवादी केन्द्रका अध्यक्ष ‘प्रचण्ड’ र नेता नारायणकाजी श्रेष्ठ, नेकपा एकीकृत समाजवादीका महासचिव वेदुराम भुसाल र नेता राजेन्द्र पाण्डे, लोकतान्त्रिक समाजवादीका नेता राजेन्द्र महतो लगायत नेताहरू सहभागी छन् ।
प्रमुख प्रतिपक्षी एमालेले भने बैठक बहिष्कार गरेको छ । एमालेले आफूले हटाएका १४ सांसदलाई कारवाहीको सूचना टाँस गरी सभामुखले मार्गप्रसस्त नगरेसम्म संसद गतिरोधलाई लिएर डाकिएका कुनै पनि बैठकमा सहभागी नहुने जनाउ सहित बैठकम अनुपस्थित भएको बुझिएको छ।
